पिंपरी प्रतिनिधी – पिंपरी-चिंचवड महानगरपालिकेचे महापौर मा. रविभाऊ लांडगे यांनी महापौर पदाची सूत्रे स्वीकारल्यापासून शहरात विविध विकासकामे, नागरिकाभिमुख उपक्रम तसेच सर्वसामान्यांच्या प्रश्नांवर प्रभावीपणे काम सुरू केले आहे. त्यांच्या नेतृत्वाखाली शहराच्या विकासाला गती मिळत असून नागरिकांमध्ये समाधानाची भावना निर्माण झाली आहे.
याच पार्श्वभूमीवर शहरातील विविध सामाजिक संघटनांच्या वतीने मा. रविभाऊ लांडगे यांचा सत्कार करण्यात आला. यावेळी पुष्पगुच्छ, शाल व श्रीफळ देऊन त्यांचा सन्मान करण्यात आला.
या सत्कार कार्यक्रमास समता विकास संघ महाराष्ट्र राज्य सामाजिक संघटनेचे संस्थापक अध्यक्ष मा. माऊली बोराटे, खेड तालुका अध्यक्ष सागर बनसोडे, श्रमसेवा सामाजिक संस्थेचे संस्थापक अध्यक्ष दत्ताभाऊ गायकवाड, जंबोदीप सेवाभावी संस्थेचे संस्थापक अध्यक्ष रमेश कांबळे, संकल्प सेवाभावी संस्थेचे संस्थापक अध्यक्ष रंजीत घोबाळे तसेच राष्ट्रवादी रिपब्लिकन पार्टीचे शहराध्यक्ष बाळासाहेब जाधव उपस्थित होते.
यावेळी विविध सामाजिक संघटनांचे पदाधिकारी, कार्यकर्ते व नागरिक मोठ्या संख्येने उपस्थित होते. उपस्थित मान्यवरांनी महापौर रविभाऊ लांडगे यांच्या कार्यपद्धतीचे कौतुक करत शहराच्या सर्वांगीण विकासासाठी ते सातत्याने कार्यरत असल्याचे सांगितले. आगामी काळातही त्यांच्या नेतृत्वाखाली पिंपरी चिंचवड शहराचा अधिक वेगाने विकास होईल, असा विश्वास उपस्थितांनी व्यक्त केला.
